आदर्श व्यापारी पुरस्काराने सन्मानित समाजप्रिय व्यक्तिमत्व हरपले
Pune News : पुण्यातील मे. विठ्ठल गंगाराम मेणकर या नामांकित व्यापारी पेढीचे भागीदार ज्येष्ठ उद्योजक आप्पासाहेब उर्फ विजयकुमार विठ्ठल मेणकर (वय ८७) यांचे वृद्धापकाळाने निधन झाले. त्यांच्या मागे तीन मुले, सुना, पुतणे व नातवंडे असा मोठा परिवार आहे.
आप्पासाहेब मेणकर हे मूळचे सातारा तालुक्यातील पिंपळवाडी येथील असल्याने सातारा जिल्ह्यातील समाज बांधवांसह अनेकांशी त्यांचे जिव्हाळ्याचे संबंध होते. पुण्यातील गणेश पेठेतील डाळ आळीत असलेल्या व व्यापार क्षेत्रात मोठे वलय असलेल्या मे. विठ्ठल गंगाराम मेणकर या व्यापारी पेढीचे ते भागीदार होते. आदर्श व्यापारी पुरस्काराने त्यांच्या कार्यकर्तृत्वाचा सन्मान करण्यात आला होता. प्रेमळ व मनमिळाऊ स्वभावामुळे त्यांच्याविषयी सर्वांनाच आदर वाटत असे. त्यांच्या निधनाबद्दल अनेकांनी हळहळ व्यक्त केली.
शोकाकुल वातावरणात अंत्यसंस्कार
पुण्यातील जानाई मळा येथील लिंगायत स्मशानभूमीत आप्पासाहेब मेणकर यांच्या पार्थिवावर शोकाकुल वातावरणात अंत्यसंस्कार करण्यात आले. यावेळी विविध क्षेत्रातील मान्यवर तसेच समाज बांधव मोठ्या संख्येने उपस्थित होते.
Get all live and latest Marathi news, Maharashtra news and all exclusive, top marathi news headlines from politics, sports, ententertainment, business, all events from satara, all cities of Maharashtra, India.
पोस्ट आवडल्यास खालील आयकॉन्सवर क्लिक करून शेअर करा, कमेंट करा. साईटवर असलेल्या फ्लोटिंग आयकॉनवर क्लिक करून संपर्क साधू शकता.
आणखी नवनवीन बातम्या व अपडेट्स मिळत राहण्यासाठी बेल आयकॉनवर क्लिक करा.
बातम्या व जाहिरातीसाठी संपर्क - 7588638613
0 टिप्पण्या