Satara News : किरण माने यांना पितृशोक


बांधकाम विभागातील निवृत्त अधिकारी दिनकरराव माने कालवश

Satara News : प्रसिद्ध अभिनेते व शिवसेना (उद्धव बाळासाहेब ठाकरे) पक्षातील वक्ते किरण माने यांचे वडील आणि शाहूनगर (सातारा) येथील गुरुकृपा कॉलनीतील रहिवासी दिनकरराव मारुती माने (वय ८६) यांचे आज सकाळी राहत्या घरी वृद्धापकाळाने निधन झाले. त्यांच्या मागे पत्नी सुहासिनी, मुलगा किरण, मुली कविता, किर्ती, सून ललिता, जावई, नातवंडे असा परिवार आहे.

मूळचे खटाव तालुक्यातील मायणीचे असलेले दिनकरराव माने यांनी सार्वजनिक बांधकाम विभागात वरिष्ठ पदावर प्रदीर्घकाळ सेवा केली. स्वच्छ प्रतिमेचे कर्तव्यदक्ष अधिकारी म्हणून त्यांचा लौकिक होता. हेच चांगले संस्कार देऊन त्यांनी आपल्या मुलांनाही घडवले. त्यांच्याविषयी समाजात अत्यंत आदराची भावना होती.

रक्षाविसर्जन व सावडणे विधी मंगळवारी

दिनकरराव माने यांच्या निधनाबद्दल विविध क्षेत्रातील मान्यवरांनी दुःख व्यक्त केले. त्यांच्या पार्थिवावर सायंकाळी संगम माहुली (सातारा) येथील कैलास स्मशानभूमीत अंत्यसंस्कार करण्यात आले. याप्रसंगी आप्तेष्ट, बांधकाम विभागातील आजी-माजी अधिकारी - कर्मचारी, रंगकर्मी मोठ्या संख्येने उपस्थित होते. रक्षाविसर्जन व सावडणे विधी मंगळवारी (दि. १ एप्रिल) सकाळी साडेआठ वाजता संगम माहुली येथे होणार आहे.

Get all live and latest Marathi news, Maharashtra news and all exclusive, top marathi news headlines from politics, sports, ententertainment, business, all events from satara, all cities of Maharashtra, India.

आजच्या ताज्या बातम्या  

पोस्ट आवडल्यास खालील आयकॉन्सवर क्लिक करून शेअर करा, कमेंट करा. साईटवर असलेल्या फ्लोटिंग आयकॉनवर क्लिक करून संपर्क साधू शकता.

आणखी नवनवीन बातम्या व अपडेट्स मिळत राहण्यासाठी बेल आयकॉनवर क्लिक करा.

बातम्या व जाहिरातीसाठी संपर्क - 7588638613

टिप्पणी पोस्ट करा

0 टिप्पण्या